عرض خاص لفتره محدودة

اخواني واخواتي

عرض خاص لفترة محدودة

العرض ده عمالة احد شركات الاتصالات لمدة شهر تقريبا

العرض عبارة عن انك تشحن والشركة تديلك ضعف رصيدك هدية

للاشتراك في العرض ابعت رسالة لرقم **** سعر الرسالة $$$

ديه عروض الدنيا

دية عروض البخلاء

دية عروض الفقراء

لكن اللي ميتفوتش


عرض الغني

عرض الكريم

عرض الاخرة

اعمل طاعة تاخد اضعاف اضعافها

انتا نسيت قوله ((من جاء بالحسنة فله عشر امثالها))

ولا تنسى والله يضاعف لمن يشاء

وكمان فيه ليلة لو عبدت فيها ربنا حق العبادة كانت لك خير من عبادة 1000 شهر

ده لها سورة لوحدها في القران وهي سورة القدر والتي يقول فيها المولى تعالى (( ليلة القدر خير من الف شهر))

وكمان لو صمت ايمانا واحتسابا غفر لك ذنوبك

والدليل الحديث الذي رواه ابو هريره وذكره البخاري في صحيحه ( من صام رمضان إيمانا واحتسابا ، غفر له ما تقدم من ذنبه )

وكمان ممكن تكون من اللي سيعتق رقابهم من النار كل يوم و ليلة

ودليلك حديث رسول الله صلى الله عليه وسلم الذي ذكر في صحيح الترمذي وصححه
الالباني (ذا كان أول ليلة من شهر رمضان : صفدت الشياطين ومردة الجن ،
وغلقت أبواب النار فلم يفتح منها باب ، وفتحت أبواب الجنة فلم يغلق منها
باب ، وينادي مناد يا باغي الخير أقبل ، ويا باغي الشر أقصر ولله عتقاء من
النار ، وذلك كل ليلة )

واخر صححه الالباني ذكر في صحيح الترغيب( إن لله تبارك و تعالى عتقاء في كل يوم و ليلة)

وكمان ليك دعوة مستجابة وانت صائم وعند افطارك وفي الثلثين الاخريين من الليل

انتا مش فاكر البشرى التي بشرنا بها صلى الله عليه وسلم والتي ذكرت في صحيح الترغيب

( و إن لكل مسلم في كل يوم و ليلة دعوة مستجابة)

واخر ذكر في عماد التفسير وصححه احمد شاكر

( للصائم عند إفطاره دعوة مستجابة)

والعمرة تساوي حجة مع الرسول


دليلك اية

حديث الرسول صلى الله عليه وسلم الذي صححه الالباني وذكر في صحيح الجامع ( عمرة في رمضان كحجة معي )

بس للاسف الفترة محدودة


للاشتراك في العرض

قوم سخن !!!!!


دلوقتي في لاعب بينزل الماتش من دون ما يسخن مبالك دول 90 دقيقة بس هيلعبهم

امال شهر تسخنله ازاي

اهل المعاصي وشياطين الانس والجن بيحضرا الحاجات اللي يلهوك بيها عن الطاعة في رمضان من شهور انتا فين من ده

انتا داخل حرب مع شياطين الانس و نفسك علشان تكسب العرض الرباني ده

جهزت اية للحرب دي

قولي الاول

انتا فعلا عاوز
تستفيد من العرض ده فعلا


انا سماعك بتوقل اه طب مستني اية

قوم جاهد نفسك من دلوقتي وجهزها لاستقبال شهر الطاعات والماتش الكبير اللي فيه مش هتربح كاس العالم البتاع الذهب الصغيرة دي

لاء


انتا هتكسب قصور كاملة من الذهب


هتكسب جبال من الحسنات

هتكسب حب الله لك

هتكسب عتق من النار

مش عقد احتراف بمتاع قليل من الدنيا

استحضر كل ده في قلبك


مضيعش دقيقة

ازاي ده فاضل 3 ايام فقط

مش اشكال انتا نسيت قوله سبحانه وتعالى

((فلو صدقوا الله لكان خيرا لهم))

نسيت قوله ايضا (( والذين جاهدوا فينا لنهدينهم سبلنا))

يعني اية؟؟؟؟؟


يعني قوم وانتا مطمن انك باذن الله ربنا هيوفقك في صيام وقيام ورمضان ايمانا واحتسابا

قوم وانتا حاطط في ربنا ظن حسن انه مش هيضيع رمضان ده منك هباء


درب نفسك على الصلاه في المسجد


صحيان الفجر اللي كتير من الناس نسي اصلا ان فيه صلاه خامسة لسمها الفجر

صلاه الفجر التي هي نور لك يوم القيامة انتا نسيت حديث حبيبك الصادق الذي لابنطق عن الهوى

في الحديث الذي ذكره ابو داود في سننه ( بشر المشائين في الظلم إلى المساجد بالنور التام يوم القيامة )

درب نفسك على قيام الليل الذي هو افضل الصلاه بعد الفريضه

عاوز دليل

حديث ذكره النسائي في صحيحه وصححه الالباني (افضل الصلاه بعد الفريضة قيام الليل)

درب نفسك على ترك المعاصي اللتي تفعلها الان حتى لا تنخص عليك رمضان

واياك ثم اياك ان تركن وتكسل

فضع امامك عقد الاحتراف الذي تحلم به

الا وهو العتق من النار

ما اعظم ان يشطب اسمك من قوائم الذين سيدخلون النار

ما اعظم ان يزال مكانك في النار

درب نفسك من دلوقتي على الطاعة حتلاقي نفسك عشت رمضان اللي نفسك تعيشه من زمان

رمضان الطاعه

رمضان القران والعتق من النيران

رمضان اللي يدخلنا الجنان

و يقربنا من الرحيم المنان

اتعب دلوقتي علشان مضعش منك دقيقة في رمضان متكسبش فيها حاجة

كن رجل اعمال الاخرة


رجال اعمال الدنيا مش بيفوتوا ثانية ميكسبوش فيها جنية

انتا متفوتش ثانية متكسبش فيها حسنة

اسال الله ان يتقبل منا رمضان

ويرزقنا فيه خير الصيام وخير القيام

وان يعيننا على طاعته ويثبتنا عليها بعد رمضان

تقبل الله منا ومنكم

وجزاكم الله كل خير

مشكووور على العرض المميز بارك الله فيك و أثابك الأجر العظيم

العفوووووووو شكرا على المرووووووووور الرائع

العفووووووووووووو