رسالة إلى كل مصرى

إلى كل المصريين...
إذا كنتم فعلا عايزين الحرية اخرجوا و قولوا انكم عايزنها
إذا كنتم رافضين للظلم أخرجوا و قولوا انكم رافضين
دا واجب على كل مصرى مسلم و مسيحى عشان نتخلص من الطغاه اللى حكموا البلد 30 سنة كأنها ملكهم الخاص
حد فيكم فكر فى الغاز بتاعنا اللى بيتباع لإسرائيل بربع ثمنه؟
حد فيكم فكر فى الفلوس اللى كانت بتتنهب على مدى 30 سنة؟
حد فيكم فكر فى الناس اللى ماتت عشان مصر تبقى احسن؟
اذا فعلا فكرتوا و زعلتوا على الحاجات دى يبقى اكيد حتكونوا عايزين تعملوا حاجة عشانها...
اخرجوا و قولوا انكم بترفضوا الظلم و الفساد و الإستبداد و ده مش معناه اننا نخرب و ندمر مصر
لكن دا معناه اننا نبنى مستقبلنا بإدينا و نبين للدنيا كلها اننا مش ساكتين على الظلم اللى بيحصل
و عشان احنا مش راضيين بالظلم فاحنا مش راضيين بأن ظالم يحكمنا
و مش حندى فرصة للظالم إنه يرجع سيطرته علينا تانى و نرجع بعدها نضحى تانى
و إن شاء الله مفيش تضحيه تانى عشان كدا لازم كلنا نكمل لحد الاخر
و مش نقف فى الطريق بعد ما وصلنا لحد اخره
يلا بينا كلنا نغير مصر و نبنى مستقبلنا بإدينا

شكرااااا على الموضوع المميز
جزاك الله كل الخيرات

ننتظر المزيد من ابداعات

ودمة لنا وفيا بمواضيعك الساخنة والشيقة