كبسة سعودي لحمة

[ندعوك للتسجيل في المنتدى أو التعريف بنفسك لمعاينة هذه الصورة]



المقادير:
1ك ارز بسمتى هندى
1كيلو لحمة حسب رغبتك المهم تعرفى وقت سواهالو هتاخد سوى اسلقيها الاول
3 حبات فلفل الوان من كل نوع حسب رغبتك
1 عود قرفة خشب
1 ليمونة سوداء
4 حبهات حبهان(هيل)
4 حبات بصل ويفضل الاصفر للطعم
3 حبات طماطم جامدين وحمرا
1 معلقة كبيرة بهارات كبسة وشرحة بهارات لحمة وملح وفلفل اسود
2جزرة للبشر (حسب رغبتك)
1 ورقة لورا
4 فصوص ثوم
الطريقة ومعلومات:
تجيبى اربع بصلات كبار ويفضل البصل الاصفر وتقطعية هلالى وتحطية فى زيت وزمنة على النار وتحطى معاة 4فصوص ثوم مقطعين دوائر و4حبهان واول ما يدبل شوية تحطى اللحمة وتحطى البهارات اللحمة وبهارات الكبسة وفلفل اسود والقرفة الخشب والليمونة السودة وورقة لورا وتقلبى تقلبى لحد اللحمة ما تاخد لون وبعد مدة تحطى الفلفل الالوان وبردو تقطعية هلالى بطول صباع ايدك الصغير تحطى 2 اصفر و2 احمر و2 اخضر ولو بتبحى الجزر ابشرى جزرتين وحطيهم وتقلبى كويس وكل ما تضيفى شئ تسيبيهم 10 دقايقلملح وتسيبهم على النار وبالهنا والشفا وتدعيلى وبعد كدة تحطى الطماطم المقطعة مكعبات 3حبات طماطم مثلا وتقلبى وبعدين تضيفى الارز البسمتى واحسن نوع هينفع معاك الارز الهندى وتقلبى كويس جدآ وبعد كدة تضيفى الماية لحد ما تغطى المكونات وتحطى الملح وتسيبيهم لمدة 20 دقيقة للنضج ومتنسيش فى الاخر وانتى بتغرفى تشيلى الليمونة السودة والقرفة الخشب والحبهان وبالهنا والشفا وادعيلى